個案在電話已經告知，症狀有8年多。
可以檢查的都做了，大腸鏡、抽血、胃鏡、抽取大腸細胞化驗、磁力共振素描……😮💨（多到唔寫喇！）
但完全無發現任何身體問題，醫生做完全身檢查仲比滿意分數，尤其肝指數極好（吹脹～）
個案年輕青春生活極輕鬆，投資有道已經有足夠資金過下半生，因頭腦極聰明深受朋友愛戴，毫無生活及其他壓力。
多年間除了正規專科醫生外，還看了很多心理治療師及兩位催眠治療師不果，經朋友介紹下致電本人詢問以下内容：
個案：請問揾你有什麼方法幫我？
Max : 我唔知呀，不過你條腸會知啵～
個案：吓？條腸同我傾計呀？
Max : 我催眠你後，佢會用佢方式令你知道問題所在，甚至怎樣處理最好啊！
個案：你做得多此類症狀嗎？
Max : 15年來，年年有，多次成功腸道綜合易激症催眠處理，不過每次方法不同，效果不同 。
個案：可否講來聽聽？
Max : 有些只需教他放鬆精神達到尖峰狀態，轉移注意力後就慢慢好返，一次見面就完結。有些則進入催眠深啲，可以同潛意識溝通，就比較快速治標兼治本。
個案：有無治療準則方法參考嗎？
Max : 進入催眠後潛意識就知道點做啊，有時是記憶回溯至第一因去處理，有時又會簡單到令人難以相信咁易 。
個案：好似好無保障咁啵？ （你之前嗰D有保障咩，本來所有治療都無保障架啦！）
Max : 明白到大部分來訪個案，經歷了很多不容易的治療經驗，驚再失望失敗又浪費金錢，我每次只能告訴大家「輸就輸幾仟，掂就以後唔駛再處理，就係咁神奇兼未可解釋。」
個案：其實有乜根據去信呢？
Max : 催眠有四千多年歷史承傳，接近所有大國承認為合法治療工具，每個國家都有自己承認的合法催眠師公會，連中國都有啊！
小弟我就有「中國最高級别催眠保健咨詢師」（個名長到呢～～～）
只係全球科學、醫科、精神科、心理科及神經科都唔承認催眠，亦無立為本科教學之嘛，大部份宗教更將催眠視為敵對，接觸者被視為不敬不義、信邪魔外道 ……
個案：點解唔承認？？？
Max : 經歷200多年的科學也不能解釋催眠，解釋唔倒，所以唔知點承認佢。
個案：好，咁再試吓啦！（唔得就算～）
~~~~~~~~~~~~~~~~~~~~~~~~~~~~~~~~~~~~~~~~~
個案應約來，金融界唔係講笑，理性主義頭腦難催眠到一個點，我第一次連續30分鐘無停口不斷弱化意識，再去興奮佢腦内視覺、聽覺、感覺神經系統，受人錢財替人消災（盡力啦！）
第一次催眠了兩小時，最後達到記憶回溯深度，佢完結後半信半疑，但剛才奇妙回溯經驗又未可完全解釋（比發夢更真實），反而處理了一些近期人際問題
「條腸嘅問題，下次再處理啦！」
四日後第二次見面，今日催眠入得比較順利，半小時後已經達至深度狀態，叫佢感應腸道問題，大約10分鐘後佢突然大聲話：「感覺到了！腸入面有一舊很細的位置收得很緊！」我問佢可否鬆開，佢話試吓先，15分鐘後佢話攪掂晒，而家舒服哂喇！
我問：吓咁易？仲有無其他未發現呀？
佢話：無喇，今次真係掂喇！
我問：仲有成個鐘喎，你仲有無其他嘢想處理呀？
佢免為其難就再處理吓人際關係啦！
就係咁又處理一位久治不癒的個案，感謝催眠，感謝相信的個案賜予機會！
（完）
圖片來源：互聯網
